Janie praat nie oor boek teorie nie – NEE! Sy praat oor die regte lewe. Die dinge wat ons almal raak – maar waaroor ons nie praat nie. Sy gee goeie rigting om te sê wat het vir haar gewerk. Hoe het sy dit reggekry om weer op haar voete te kom. Ja, Mans is gewoonlik sogeaard “Hardebaard”, maar waar sy ‘n paar keer met manne in die gehoor te doen gekry het was dit opmerklik dat heel party ‘n traan weggepik het.

Kobus Goosen (Hoofbestuurder BKB)

Ek ken min mense wat by Janie du Plessis kan kers vashou. Sy is ‘n buitengewoon talentvolle vrou. Sy is uniek en het ‘n ingebore wysheid en talent om in die openbaar te praat, όf op ‘n dramatiese manier όf werklik snaaks.

Haar tasbare teenwoordigheid raak die mense om haar. Haar energie en insig vermaak nie alleen gehore nie, maar laat hulle ook geÏnspireerd en verryk voel.

Janie leef voluit en het reeds meer in die lewe beleef as die meeste mense. Dit gee haar die uitsonderlike perspektief om eerlik en met oortuiging te praat – beide oor oorlewing asook sukses. Ons kan almal iets by hierdie visionêre vrou leer.

Diane Kriegler (Sielkundige)

Janie beskik oor ‘n fantastiese vermoë om gedragspatrone te verstaan en tendense te voorspel. Sy het ‘n buitengewone lewe geleef en het ‘n ongelooflike insig in amper enige onderwerp, tesame met die talent om dit in kreatiewe taalgebruik te interpreteer wat verbruikersvriendelik, bemarkbaar en humoristies is en boonop die gemoed salf. Sy is in staat om die groter prentjie te sien, sowel as fyner besonderhede in wonderlike detail. Haar vermoë om haar opinies in enige dissipline te formuleer, maak van haar een van die handjievol mense wat ek altyd raadpleeg vir advies wanneer ek ‘n nuwe projek aanpak.

Karen Roos (Redakteur: ELLE Decor)